Gerîla TVyî dîmenê Operasyonê Şorişgêrî yê Şehîde Melsa Mûş weşanayî. Operasyon de 18 îşxalkerî ameyî cezakerdene, dest nîyabi xeylêk çek û malzemeyan ser. Dewleta tirke kişteyê xo yê nê operasyonî nimitî.

Merkezê Îrtîbatî û Çapemenîye yê HPGyî derheqê Operasyonê Şorişgêrî yê Şehîde Melsa Mûş de nê agahîyî dabî:

Herêma Zapî

23yê kanûne de Warê Xoverdayîşî yê Kuro Jahroyî de vera îşxalkeran hîrê baskan ra Operasyono Şorişgêr ê Şehîde Melsa Mûş ame kerdene. Baska yewine kewte mewzîyanê îşxalkeran û da nînan ro. Baska yewine hîrê mewzîyî îmha kerdî, şîye cenazayanê dişmenî ser û dest na 1 çeka BKCyî, 1 çeka MPT-55î û 1 durbunê çekan ser.

Baska diyîne bi bombayanê destan, çekanê ferdî û nêmotomatîkan xeym û mewzîyê îşxalkeran kerdî hedef. Tîya de 3 îşxalkerî ameyî cezakerdene, 1 îşxalker birîndar bi û rema, 3 mewzî û 4 xeymî ameyî îmhakerdene.

Baska hîrêyîne mewzî, kamelya û xeymê îşxalkeran kerdî hedef û 12 îşxalkerî ceza kerdî, 1 kameraya mobese zî îmha kerde.

Operasyonê Şorişgêrî yê Şehîde Melsa Mûş de 18 îşxalkerî ameyî cezakerdene, 1 îşxalker birîndar bi, dest nîya 1 çeka BKCyî, 1 çeka MPT-55î û 1 durbunê çekan ser, 6 mewzî, 4 xeymî, 1 kameraya mobese û 1 kamelya zî ameyî îmhakerdene. Operasyon de di giran de hêzê dişmenî bi temamî ameyî tasfîyekerdene û girî bi cenazayanê îşxalkeran gêrîyayî binê kontrolî. Artêşa tirke ya îşxalkere wird girî zî dima dayî bombayan ver.

Nê operasyonî de hêzanê ma yê gerîlayan ra çew şehîd nêbi. Gerîlayanê ma no operasyon seba vîrameyîşê embaza ma ya serkêşe û fermandara fedakare Melsa Mûş kerd.''