Dîrektorê Rojhelatê Nêzdîyî, Rojhelatê Mîyanênî û Akrîkaya Vakure yê Wezîrîya Karanê Teberî yê Almanya Tobias Tunkelî Fermandarê Pêroyî yê QSDyî Mazlûm Ebdî, Endama Fermandarîya Pêroyî ya YPJyî Rojhelate Efrîn reyde pêvînayîşêk kerd.

Tunkelî hesabê xo medyaya sanale de bi fotografêkî da pêhesnayene ke ê Fermandarîya Pêroyî ya Hêzanê Sûrîyeya Demokratîke reyde kombîyayîş kerdo. Fotograf pîya bi ey Fermandarê Pêroyî yê QSDyî Mazlûm Ebdî, Endama Fermandarîya Pêroyî ya YPJyî Rojhelate Efrîn ca genê.

Tunkelî no mesaj pare kerd: ''Heq û menfeatê kurdan ê Sûrîye tewr hole bi rayîrê dîyalogê zereyî yê Sûrîye bi Şamî eşkenê bêrê pawitene. Mi vat ganî fermandarîya QSDyî û rayberîya HTŞyî mabênê xo de derheqê babetanê acîlan de qisey bikerê. Reyna  cehdkerdişê hemparî yê ke vera DAÎŞî dewam kenê, ma ê zî munaqeşe kerdî.''