Polîsanê tirkan qezaya Peyasî ya Amedî de eşt bînaya Komeleya Edebîyatkeranê Kurdan ser û zerar da xeylê kitab û rojnamegeran ser. Polîsan dest na 150 kitab û 500 hûmaranê rojnamegeran ser. Polîsan kilîdê berî zî vurna.

Hemserekê Komele Rêdûr Dîjleyî derheqê babete de vat: ''Ma nêzanenê ke sereştiş çira ameyo kerdene. Wextê sereştişî de destê polîsan de şemaya îdareyê komele û nameyê kesanê îdarekaran est bîyê. Polîsan vato ke derheqê embazêke de tehqîqat est o. La ma rê çîyêk nêame vatene. Ma nê sereştişî şermezar kenê.''