Merkezê Îrtîbatî û Çapemenîye yê QSDyî bi eşkerayîyêk bîlançoya şerî û xoverdayîşî ya 24 setanê peyênan eşkera kerde. 

Bîlanço wina ya:

''Dewleta tirke ya îşxalkere vizêr serê sibayî bi giranî dest pê hêrişanê vera Awbendê Tişrînî kerd. Çeteyan zî bi panzeran hêrişê dewa Xirbe Zemala kerd. Şerwananê ma bi xurtî cewab da hêrişan û pêkewtişî qewimîyayî. Nînan de 8 çeteyî kişîyayî û tayê çeteyî birîndar bîyî. Yewinanê Şehîd Harunî zî di erebeyê çeteyan bi temamî îmha kerdî. Droneyanê çekdaran ê dewleta tirke da noqtayêka hêzanê ma ro.

Çeteyan hêrişê Girê Syriaetlî kerd la şerwananê ma bi xurtî cewab da nînan. Netîce de 21 çeteyî kişîyayî û 15 çeteyî zî birîndar bîyî.

Yewinanê Şehîd Harûnî Awbendê Tişrînî de da 25 hedefan ro. Tîya de 3 tankî, 2 doçka û 3 wesayîtê zirxînî ameyî îmhakerdene û 4 kombîyayîş û noqtayê çetan ameyî pirodayene û depoyêkê çekan ame teqnayene.

Çeteyan cepheyê Dêr Hafirî de bi hawanan hêriş kerd la hêzanê ma cewab da hêrişî. Tîya de 2 wesayîtê çeteyan ameyî îmhakerdene.

Xoverdayîşê vizêrînî de bi temamî 29 çeteyî ameyî kiştene, 15 çeteyî birîndar bîyî; 3 tank, 3 wesayîtê zirxinî ameyî îmhakerdene, 4 noqtayê çeteyan ameyî hedefkerdene, depoyêkê çekan ame teqnayene, 4 wesatîtî ameyî îmhakerdene.''