Gerîlayanê YJA-Starî û HPGyî şerê 2023yî ercna û pare kerd ke dewleta tirke ya îşxalkere rixmo ke bi pêro hêzê hêrişê Herêmanê Pawitişî yê Medya kerdo nêeşkaya gamêke zî aver şora.

Gerîlayê HPGyî Azad Dêrik: Xoverdayîşê 2023yî, bi taybetî xoverdayîşê Îmraliyî yê Rayber Apoyî xoverdayîşêko bêhempa bi. Dewleta tirke ya faşîste waşt ke îşxalê xo rê dewam bikera la nêeşkaye biresa nê armancê xo. Artêşa tirke pê îradeyê xo bawer bîya la verê xoverdayîşê gerîlayan de şikîyaye. Heta azadîya Rayber Apoyî xoverdayîşê ma do dewam bikero û ma do qetî nêvinderê. Çunke azadîya şarê ma bi azadîya Rayber Apoyî mumkîn a. Coka ma do 2024 de têkoşînî pîlêr bikerê û qesasê şehîdanê xo bigêrê.

Gerîlaya YJA-Starî Zeynebe Newal: 2023 her hetî ra serrêka zehmet bîye çunke dişmen her cayî ra hêrişê waranê gerîlayan kerdêne. La embazanê ma xoverdayîşêko tarîxî kerd. Dişmen wazeno bi çekanê kîmyewîyan gerîlayan çin bikero. La şerwanê azadîye koyan de tarîxî nusenê. Esasê felsefeya Rayber Apoyî de ma 2024 de zî xo ver bidê û rayber Apoyî azad bikerê.

Gerîlayê HPGyî Zinar Torî: Ma serra ke bi xoverdayîş û têkoşînî pirr bîya, pey de ver daye. Şerê Herêmanê Pawitişî yê Medya şerê merg û mendişî yo. Çunke dewleta tirke ya îşxalkere bi pêro hêzê xo hêrişê waranê ma kena. La ancî zî verê îradeyê gerîlayan de bêçare manena û nêeşkena aver şora. Hema zî artêşa îşxalkere cayê xo de ya û gamêke zî aver nêşîye.