Hunermend Mîr Perwer pa Evîne Goyî û Abdurrahman Kizilî Paris de amebi qetilkerdene. Deyîrbaz û hunermendanê Têgêrayîşê Kultur û Hunerî yê Demokratîkî (TEV-ÇAND) gorê embazê xo Mîr Perwero ke Paris de amebi qetilkerdene û dadîya Mîr Perwerî Fîlîze Aydin dayî viraştene.

Hunermendanê sey Ulaş Kelaşîn, Rênas Demhat, Dîyar Mahrovî, Nûarîne, Farqîn Azadî gorê înan dayî viraştene. Hunermendan derheqê babete de eşkerayîyêke daye û vat: ''Qirkerdişê embaz Mîrî 9 mengî xo pey de verdayî. Ma vat ke ganî çîyêkî bikerê. Ma fikrê xo yê viraştişê goran embazanê xo de pare kerd. Ma bire daye ke ney bikerê.''

Dostanê hunermendan ê Mîr Perwerî verê cû zî înternetî ser de seba keyeyî kampanyaya ardimî dabî destpêkerdene la felaketê erdlerzê 6ê Sibate ra dima ê nêeşkabî kampanya bîyarê ca.