Akademîsyenê Zanîngehê Dihokî Dr. Hîşam Zêbarîyî vera zîyaretê Nasir El Harîrîyî nêrazîbîyayîşê xo mojna ke El Harîrî bi meymanê PDKyî.

Zêbarîyî derheqê mesele de ANFyî rê qisey kerd û vat: ''Heyetê El Harîrîyî seba plananê qirkerdişî ame Başûr. Xora no muxalefet û komeê cergan ê DAÎŞî cergê Erdoganî yê. Ê Îdlîb, Girê Sipî û Serêkanîyê de polîtîkayêka gemarine kenê. PDK xo rê vano 'neteweperwer' la vera fikrê xo têgêreno. Nê heyetî de kiştoxê kurdan estê. Nê prosesî de ke kurdî seba yewîyew xebitîyenê no zîyaret bi sebebê şikan. Nêçîrvan Barzanî û Şêx Lahûr xîret kenê ke Rojawanê Kurdîstanî reyde têkilîye ronê. Erdoganî no dî û coka no heyet erşawit. Erdogan nêwazeno kurdî nêzdîyê yewbînan bibê.Erdogan wazeno Musil, Kerkûk û Şingal zî îşxal bikero. Hay3iya PDKyî pê plananê ci esta û heta PDK mîyanê nê planî de yo.''

Zêbarîyî da zanayene ke binkewtişê Garê ra dima dewleta tirke neçare mende ke planê xo betal bikera û vat: ''Eke ê Garê de ser bikewtêne do hêrişê Şingalî bikerdêne. Başûr de aramîye çin a. Mabênê PDK û YNKyî de nakokîyî estê. Coka dewleta tirke bi rehetî plananê xo ana ca.''