Partîya Herêman ê Demokratîkan (DBP) û KOngreya Komelê Demokratîkî (DTK) bi wesîleya paştdayîşê Bernameyê Têkoşînê Demokratîkî yê HDPyî Dêrsim de zîyaretê xo yo verên ard ca. Heyetanê partîye rêxistinê komelê sivîlî, partîyê sîyasîyî, sendîka û odayî zîyaret kerdî.

Hemserekê DTKyî Berdan Ozturkî, Hemsereka Pêroyî ya DBPyî Salîha Aydenîz, Hetkarê Hemserekê Pêroyî yê HDPyî Alîcan Onlu, wekîla Amedî Semra Guzelû heyetê Rêxistina HDPyî ya Dêrsimî hêverî şîyî zîyaretê Odaya Bazirganîye ya Dêrsimî.

Heyet dima şî zîyaretê Baroyê Dêrsimî, Kooperatîfê Kefalet û Kredî yê Sendîka û Esnafan ê Dêrsimî, Komeleya Heqanê Merdiman, Partîya Kede (EMEP), Partîya Sosyalîste ya Bindestan (ESP), Federasyonê Meclîsan ê Sosyalîstan (SMF) û Dezgehê Demokratîkî yê Elewîyan (DAD).

Pêvînayîşan de mesajê 'Seba demokrasî yewîye' û 'torra têkoşînê hemparî'ameyî dayene.

Dima heyet seba cigêrayîşî şi Çimeyanê Munzurî yê Pulurî.