Gerîlayê HPGyî Ferhat Egîto ke Reqa ra yo ANFyî rê qala tewrbîyayîşê xo yê bi gerîlayan kerde.

Egîtî da zanayene ke o serra 2018î de tewrê gerîlayan bîyo û vat: ''Ez semedo ke welatê xo rê mesuldarîya xo bîyara ca tewrê gerîlayan bîya. Wexto ke ez newe tewr bîya hayîya mi pê nêzdîbîyayîşê PKKyî yê bi şarî çinbîye. Wextê perwerdeyî de ez musaya ke armancê PKKyî çita yo. Ez bîya endamêkê têgêrayîşî. Têkoşînê PKKyî têkoşînê Rojhelatê Mîyanênî yo.

Ez embazan ra zaf çîyan musaya. Embazîye, şehîdbîyayîş û manaya şehadetî zaf bala mi ante. Wexto ke ez tewrê gerîlayan bîya mi nêvat ez ereb a û çira mîyanê kurdan de ya. Çunke fikr û felsefeya Rayber Apoyî neteweya demokratîke ser o awan bîye. Mîyanê gerîlayan de her newete ra merdimî estê û mabênê înan de cîyakerîye nêna kerdene. Êyê ke gêrenê azadîye tewrê gerîlayan benê. Rayber Apo têna lîderê kurdan nê lîderê pêro şaran o.

Ma sey komelê erebî heta nika têgêrayîşê azadîye nêşinasna. Wexto ke şorişgêrê Apogîrî tewrê komelê ma bîyî her çi vurîya. Ma pîya ciwîyayî. Ez venga pêro ciwanan danê ke bêrê tewtê têgêrayîşê azadîye bibê. Wayîrê nasname, Kurdîstan û Rojhelatê Mîyanênî bikerê. Koyê Kurdîstanî warê azadî yê. Ma do nê koyan war nêverdê.''