Elbak de 3 leşkerî ameyî kiştene

Gerîlayanê HPG û YJA Starî Elbakê Wanî de da îşxalkeran ro, 3 leşkerî ameyî kiştene.

Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîyêke daye û nê pare kerdî:

''Çarçeweya Hemleya Qesasî ya Şehîde Medya Mawa û Şehîd Rizgar Geverî de hêzanê ma 3ê hezîrane de Elbakê Wanî de vera artêşa  tirke ya îşxalkere çalakîyêke viraşte. Çalakîya sabatojî vera wesayîtê tîpê Reoyî yo ke Qereqolê Kela Esmerê ra ver bi Qereqolê Xelkeva şîyêne ameye viraştene. Netîceya çalakîye de wesayît derbe girewte û 3 leşkerî ameyî kiştene.

1ê hezîrane de droneyêka dişmenî ke serê Qilê Partîzanî yê Heftanînî yo ke pabesteyê Herêmanê Pawitişî yê Medya yo de gêrayêne hetê hêzanê ma ra ame wardayene.

Teyarayanê şerî yê dewleta tirke 2ê hezîrane de warê Gundê Fileha yê Zapî û 3ê aşme de zî warê Kanisarkê û Kurojahro yê Zapî, Qilê Şehîd Hamza yê Heftanînî û warê Şehîd Dîrenî yê Avaşînî ser o bombayî varnayî.''