Taxa Qaşkolî ya qezaya Elbakî ya Wanî de leşkeran guleyî eştî. Netîceya serebûtî ciwanê 20 serreyî yê pê nameyê Emrah Gorurî dinyaya xo bedilnaye û hemwelatîyê bi nameyê Saîm Yilmazî zî bi giranî birîndar bi. Birîndar Yilmaz wedarîya Nêweşxaneyê Cigêrayîşî yê Wanî. Cenazaya Gororî zî wedarîya morgê Nêweşxaneyê Dewlete yê Elbakî.

Roniştoxanê herême ra kesêkî/e îfade kerd ke Gorur pê guleyê leşkeran kişîya. Roniştoxî/e da zanayene ke wexto ke Gorur awe dayêne axpînê xo hêverî pê kaşkole ame xeniqyayene û dima zî pê çeke ame kiştene. 

Ame zanayene ke babîyê Gorurî 3 serrî verê cû merd û ê wextî ra nata Emrah Gorur miqatê dadî û 7 wayûbirayanê xo bîyêne.