Gerîlayanê HPG û YJA-Starî serrgêra 36. ya Hamleya 15ê Tebaxe ercnaye.

Gerîlaya YJA-Starî Agirî Araratî vat: ''Seba mi rûmet o ke ez Têkoşînê Azadîye yê Kurdîstanî de ca gêna. Embaz Egîdî bi fedakarî û dîsîplînêkê xurtî Rayberîye fam kerde û fermanê Rayberîye ardî ca. Na Hamleya 15ê Tebaxe seba merdimîye û Kurdîstanî ameye kerdene. Ma pêro deyndarê Egîdî yê. ''

Gerîlaya YJA-Starî Berfîne Bêkes vat: ''15ê Tebaxe seba şarê kurdî mîladêk o. Bi guleyê verênî Dih de ters kewt mezgê merdiman. Embaz Egîd bi hêvî û çêrîya kurdan. Sayê Embaz Egîdî bi seyan ciwanî erdê xo dişmenî ra pawenê û tewrê gerîlayan benê. Embaz Egîd seba ma xeta şer û cuye ya.''

Gerîlayê HPGyî Fedakar Doganî vat: ''Hamleya 15ê Tebaxe cewabê xoverdayîşê zîndanan bi. Kurdî na hamle reyde tewrê hêrikîyayîşê tarîxî bîyî. MA zî Cengê Heftanînî de hêzê xo nê embazan ra gênê. Ma do bi xûrtî şerê xo dewam bikerê, têkoşînê xo pîl bikerê. MA do rêçê embazanê xo yê şehîdan teqîb bikerê.''

Gerîlayê HPGyî Rohat Botanî vat: ''Gerîlayê Kurdîstanî bi ruhê 15ê Tebaxe 36 serran ra nata her cayê Kurdîstanî de vera kolonyalîzmî şer kenê. Artêşa tirke pê gerîlayan nêeşkena. No têkoşînê ma do dewam bikero''

Gerîlayê HPGyî Felat Devrîmî vat: ''Kurdan kefenê mergî Hamleya 15ê Tebaxe ra dima vet. No mîrasêko pîl û tarîxî yo. Ma tim bi nê ruhî biciwîyê. Çar parçeyanê Kurdîstanî de xoverdayîş esto û serkewtiş do ê gerîlayan bo.''

Gerîlayan ra Bawer Erûhî zî bale ante ser ke Hemleya 15ê Tebexa tarîxê kurdan, PKK û merdimîye de cayêko zaf muhîm gêna û vat: ''Dewleta tirke bi qirkerdişanê xo yê vera kurdan bitaybetî zî yê Terteleyê Dêrsimî vatêne qey kurdî hînî serenêdarenê we û tim bindest mananê. Bi na hemleya ka serkeşîya Rayber Apoyî û komûtaya hemra Egîdî de ameye kerdene, ame ramojnayene ke kurdî do çirey verê dişmenî de medê.''