Endamanê tepişteyan ê PYD û Îdareyê Xoserî ra 2 kesî vera dîyayî
Tay endamê PYD û Îdareyê Xoserî 10ê hezîrana 2021î de hetê PDKyî ra ameybî destbendkerdene. Nînan ra 2 endamê PYDyî vera dîyayî la endamê Îdareyê Xoserî hema tepişte yê.
Temsîlkarê PYDyî yê Hewlêrî Mistefa Osman Xelîl, Temsîlkarê Îdareyê Xoserî yê Hewlêrî Cîhad Hesen û Endamê PYDyê Hewlêrî Mistefa Ezîz Mistê 10ê hezîrana 2021î de wexto ke şîyêne Meydanê Teyarayan ê Hewlêrî hetê hêzanê PDKyî ra tepişîyabî.
50 rojan ra dima Mistefa Osman Xelîl û Mistefa Ezîz Mistê vera dîyayî. La Temsîlkarê Îdareyê Xoserî yê Hewlêrî Cîhad Hesen hema zî tepişte yo.
Temsîkaranê Îdareyê Xoserî da zanayane ke înan waşt bizanê ke çira endamê înan Cîhad Hesen vera nêdîya la cewab nêdîya înan.
