Heyetê Haştîye ke saba bale  bianco hêrişê îşxalî yê dewleta tirke ser şi Başûrê Kurdîstanî, destûrê dekewtişî nêdîya 5 endamanê ci.

Nayî ser o Hemserekê FEDA Demîr Çelîk, Alîcan Yildirim , Cemal Demîr, Rabîa Baldemîr û Mutlu Tatarî dest pê grevê vêşanîye kerd. PDKyî ke desturê dekewtişî nêda qerar girewt ke kurdîstanîjî do heta roja sêşemeyî meydanê teyarayan de bimanê. 5 kurdî ewro ra tepîya semedê protestokerdişê tewirê PDKyî grevê vêşanîye de yê.

Hemserekê FEDA Demîr Çelîkî ke ANFyî rê qisey kerd vat: ''Ma şerê mabênê kurdan qebûl nêkenê û seba ke bale nayî ser û rayîrê dîyalogî abikerê ma rîsk girewt û ameyî Başûrê Kurdîstanî. Ganî bedelê nayî wina nêbo. Seba ke destûr nêdîyeno ma debikewê welatê xo ma na rewşe pê grevê vêşanîye prostesto kenê.''