Endamê Komîsyonê Heqanê Merdiman ê Iraqî Qûsaî Ebaasî pare kerd ke dewleta tirke çekê ke peymananê mîyanneteweyîyan qedexe kerdî şuxilnayî û anêkerdişê tehqîqatê serê na mesele texne kerd.

Endamê Komîsyonê Heqanê Merdiman ê Iraqî Qûsaî Ebaasî Rojnewsî rê qisey kerd û vat: ''Tirkî pê bahaneya asayîşê xo çekanê ke peymananê mîyanneteweyîyan qedexe kerdî Vakurê Iraqî de (Başûrê Kurdîstanî) şuxilnena. Ma meqamanê selahîyetdaran ra çend reyî waşt ke ganî na babete de tehqîqato mîyanneteweyî bêro kerdene la çîyêk nêbi.''

Ebaasî da zanayene ke hem Hewlêr hem zî Bexdad vera çekanê kîmyewîyan ê dewleta tirke bêveng ê û vat: ''Şuxilîyayîşê çeka kîmyewîye tehluke yo. Ganî sûcanê Tirkîya yê vera herême ser o zêdêr agahîyî bêrê dayene rayaumûmîye. ''

Huqûqnasê Iraqî Hesen Selamî zî derheqê heman babete de Rojnewsî rê qisey kerd û vat: ''Dewleta tirke gulane ra nata çeka kîmyewîye vera herêma ma şuxilnena. Ez venga rêxistinanê heqanê merdiman û dezgehanê Iraqî dana ke wa cayê nê hêrişan de cigêrayîşî bikerê.''