Komîteya Dîplomasî ya PKKyî derheqê dosyaya tehqîqatê Palmeyî de ke 34 serran ra dima qefilîyaye, eşkerayîyêke daye.

Eşkerayîya PKKyî wina ya:

''Qefilîyayîşê dosyaya tehqîqatê kişîyayîşê Serekwezîrê Swêdî Olof Palmeyî seba têgêrayîişê ma û şarê ma serebûtêko girîng o. Labelê seba ke sûcdarîyê ke nê serebûtî de şarê ma û têgêrayîşê ma rê ameyêne kerdene, seba ke hema nêameyî sererastkerdene nênê qebulkerdene. Têgêrayîşê ma PKK û şexsê ci de şarê kurdî ameyî sûcdar û krîmînalîzekerdene. Dima ke dosya qefilîyaye ne têgêrayîşê ma ra ne zî şarê ma ra uzr ame waştene. Ne zî Swêd vera terorîzekerdişê PKKyî têgêra. Ma sey PKK têna nîqaşî seyr kerdî û pawit ke edalet bêro ca. La seba ke nîqaşî sînoranê xo ra vejîyayî û neheqîya 34 serran a vera têgêrayîş û şarê ma nêameye sererastkerdene ma bire daye ke tewrê seebûtî bibê û serebût teqîb bikerê.

Sûcdarkerdiş, reşkerdiş, terorîze û krîmînalîzekerdişê kurdan û PKKyî serebûtêko asan nîyo ke bêro qebulkerdene.  Seba nê kerdişan heta nika şarê kurdî ra uzr nêame waştene, heta ke Swêd û Yewîya Ewropa peynîya sûcdarîya terorîstî ya vera PKKyî nêarê, heta ke PKK 'lîsteya rêxistinanê terorî' ra nêro vetene, ma nameyê PKKyî ser o nê serebûtî do teqîb bikerê. Bêgûman Swêd zî ganî qebul nêkero ke dosya bi nê hawayî bêra girewtene. No do biba neheqîyêka pîle.

Olof Palmeyî verarê xo seba kurdan akerd, gerreyê hêrişanê dewleta tirke Komîsyonê Heqanê Merdiman ê Ewropa rê kerdbi. Wexto ke o reya diyîne serra 1982î de amebi weçînayene kurdan vatêne 'Hînî pawitoxê ma zî esto.' Çira kurdan do hêrişê lîderêkê winsasênî bikerdêne? La kişîyayîşê Palmeyî seke kurdan kerd ame mojnayene. Ma serra 1986î de vilawekî vila kerdî û kişîyayîşê Palmeyî sey komployêka mîyanneteweyîye pênase kerd.

La reyna zî ma sey sûcdar ameyî mojnayene ke no dezgehêkê dewleta tirke bi. Îstîxbaratê welatanê rojawanî zî tewrê nê dezgehî bîyî. Heta ke nê hetê serebûtî nêrê eşkerakerdene û sûcdarîya terorî ya vera kurdan werte ra nêra wedaritene, nêno qebulkerdene ke Swêd dosya biqefilno.

Ma nameyê PKKyî ser o kişîyayîşê Olof Palmeyî reyna şermezar kenê û venga selahîyetdaranê Swêdî danê ke raştîyan eşkera bikerê. Ma amade yê ke seba roşnîkerdişê serebûtî têkoşîn bikerê. Ma peyê serebûtî de bibê û heta ke serebût eşkera bikerê têkoşînê xo dewam bikerê.''