Endama YPSyî Bahare Goktekin (Roza) a 2016 de qezaya Nisêbînî ya Mêrdînî de hêrişanê qirkerdişî yê dewleta tirke de şehîd bîye, esteyê ci badê 7 serran dîyayî keyeyê ci.

Keyeyê Goktekine 2016 de dewa Karamûsî ya Farqînê Amedî ra ame  Nêweşxaneyê Nisêbînî û semedê testê DNA nîmûne da. Nê demî  de keyeyî  hîrê rey semedê girewtişê cenazaya xo muracatê Serdozgerîya Komare ya Nisêbînî kerd la qet nêtîce nêgirewt. Badê 7 serran selahîyetdaran xeber da keyeyî û vat netîceya DNA safî bîya û ê eşkenê cenazaya Goktekine Goristanê Yenikoyî yê Rêzanê Amedî ra bigêrê. Keyeyî esteyê domana xo goristanî ra girewtî û badê caardişê vecîbeyanê dînîyan bi slogananê “Şehit namirin” cenazaya xo defin kerde.

Hemvervatoxê MEBYA-DERî Mehmet Emin Kiliçî vat, ''Rîyê prosesanê bi pêkewtişan ra ciwanî dinyaya xo bedilnenê.  Heta çareserkerdişê meseleya kurdan têkoşînê ma do dewam bikero.''