Fermandarîya Qerargehê Merkezê Pawitişê Şarî (MPŞ) bi mesajêkî şerwan û fermandarê Herema Şehîd Delîlî ya Rojawanê Zapî fîraz kerdî ke çalakîyê serkewteyî kerdê.

Mesaj wina yo:

''Her çî ra verî ma Roşanê Gandarbîyayîşî fîraz kenê, bi heskerdiş û hûrmetî selam kenê.

Hêrişê îşxalî yê dewleta tirke yê vera Herêma Şehîd Delîlî ya Rojawanê Zapî kewtî serra diyîne. Serra vîyarte de artêşa îşxalkere derbê giranî werdî, bênetîce mende û xo apey ant. Warê Xoverdayîşî yê Girê FMyî de hêrişê dişmenî û xoverdayîşo tarîxî 14 mengî yo dewam kenê. 

Dewleta tirke ya ke wazena plananê xo yê îşxalî ser bivisna, şewa 20ê temmuza 2023yî de vera Warê Xoverdayîşî yê Girê Cûdîyî yê Herêma Şehîd Delîlî hêrişêko newe da destpêkerdene. Vera nê hêrişî xoverdayîşo ke yeno mojnayene performans û astêka girînge afernayî.

Roje û şewa 9ê tebaxe de vera hêzê dişmenî bi metodê Operasyonê Şorişgêrî 44 çalakîyê koordîneyî ameyî kerdene, netîceya nînan de 31 îşxalkerî ameyî cezakerdene û 7 îşxalkerî zî birîndar bîyî. Na netîce netîceyêka serkewte ya. Nê Operasyonê Şorişgêrî de bi ruhê fedayî yê Apogîrî gerîlayî şîyî dişmenî ser, înan taktîkê hêriş û sereştişî şuxilnayî, taktîkê sanotajî û çekî bi hunerî şuxilnayî. Wextê nê Operasyonê Şorişgêrî de dişmenî Warê Xoverdayîşî hewa û erdî ra bi giranî da bombayan ver û bombarduman rojêke dima zî dewam kerd. Seba ke zerarêk zî nêresa hêzanê ma ser asta serkewtişî hîna manadar bîye. Hetê bînî ra zaf girîng o ke Operasyono Şorişgêr wextê serrgêra Hemleya 15ê Tebaxe de bi ruh û metodê Egîdan ame kerdene û xeta şehîdan de ame caardene.

Şerwan û fermandaranê nê Operasyonê Şorişgêrî bi cesaretî ruho fedayî yo Apogîr mojna, ê bi cesaretî şîyî serê dişmenî, terzê şerê tîma psipore û taktîkê zengînî şuxilnayî û dersêka tarîxîye daye artêşa tirke ya îşxalkere. Ma serkewtişê nînan fîraz kenê. Ma pêro şehîdanê Herêma Şehîd Delîlî zî bi rêzî yad kenê. Ma pêro embazanê xo yê ke bi fedakarî xebitîyenê, xo ver danê û kede danê bi na wesîle fîraz û selam kenê.

Ma bi hîsanê xo yê şorişgêran reyna çalakîyanê serkewteyan ê pêro şerwan û fermandaranê Herêma Şehîd Delîlî fîraz kenê û Roşanê Gandarbîyayîşî fîraz kenê. Ma pê bawer ê ke xoverdayîşo ke ma bi ruhê fedayî yê Apogîrî geş kerdo, do serkewtiş û netîceyanê xurtan biaferno.''