Merkeze Îrtîbatî û Çapemenîye yê HPGyî derheqê operasyon û hêrişanê artêşa tirke eşkerayîye daye û nê vatî:

 “Artêşa tirke ya îşxalkere saetanê şewe ya 16ê nîsane de dewanê Asê, Yekmalê, Xirabê, Xanke û Şêlazê yê herêma Metîna de hêrişê îşxalî da destpêkerdene. Artêşa tirke ya îşxalkere nê waran de bi taktîkê cîyayî kena ke rayêke de game bi game aver şiro û harekatê îşxalî hîra bikero.

Na çarçewe de şewanê 17, 18 û 19ê nîsane de warê Girê Çarçel û Warê Xoverdayîşî yê Girê Ortê bi helîkopteranê hêrişî û teyarayanê şerî dîyayî bombayan ver. 19ê nîsane de saetanê şewe de warê Şêlazê de hêrişê îşxalî ver bi warê Dergelê ame hîrakerdene. Warê Girê Hakarî, Girê Çarçel, Girê Şehîd Çekdar, Girê Şehîd Piling, Girê Ortê, Asê, Yekmalê, Xirabê, Xankê Şêlazê û Dergelê hedefe hêrişê îşxalî de yê, nê waran de hêrişî dewam keno. Eynî wextî de nê warî hewayî ra bi teyarayanê hêrişî û teyarayanê şerî û erdî ra zî bi top û obusan bêmabên dîyenî bombayan ver. Ma  çend detayanê hîrayan bîfînê dest ma do şarê xo rayapêroyî rê pare bikerê.”