Gerîla Serhildane Pêncewîna ke vera hêrişanê îşxalî yê dewleta tirke û hemkarîya PDKyî tewra gerîlayan bîya ANFyî rê qisey kerd û venga pêro ciwananê Başûrî da ke wa verê xo bidê koyan.

Gerîla Serhildane pare kerd ke hemkarîya PDKyî ya bi dewleta tirke qetî nêna qebulkerdene û vat: ''Kerdişê dewleta tirke û PDKyî hêrsê mi zêdîna. Coka mi verê xo da koyan. Başûr bi hemkarîya tirkîya her roje dîyeno bombayan ver û şarê ma yeno qetilkerdene. Başûr bi bedelanê giranan amebi xelisnayene û bi hezaran şehîdî ameyî dayene. Coka ma do destûr nêdê ke îşxalkerî bikewê erdê ma.

PDKyî binê nameyê kurdayetîye de seba menfaetanê xo talan û îşxalî rê rayîr da. Ewro Amedîyê seke bîya baregehê artêşa îşxalkere, sînorê Behdînanî binê kontrolê dewleta tirke de yê. Ganî şarê ma yê Başûrî vera nê kerdişan bêveng nêmano. Raperînê Başûrî Baas rijnabi. Nika zî wext wextê Raperînî yo. Ganî ciwanê Başûrî verê xo bidê koyan û erdê xo yê fîrazî bipawê.''