Deweka Xanbazî ya dewa Kanîsipî ya qezaya Licê ya Amedî de, Ceylane Onkola 12 serre 28ê êlula 2009î de pê hawanê qereqolî amebî qetilkerdene. Rixmo ke 14 serrî qedîyayê kiştoxê Ceylane hema zî nêameyî dîyene.

Cenazaya Ceylane 6 saetan erd de mende. Dadîya aye parçeyê meyîtê ci pêşê xo de arê dayî, dewijan cenazaya ci pê pelanê mazêrî pîşt tê. Dozger 3 rojan ra dima şi cayê serebûtî û pêro delîlê ke ameybî reşkerdene dayî Serdozgerîya Komare ya Licê. Dewlete îdîa kerd ke Ceylane pê wiştere kişîyaya. Raporê mergî de keye sey sûcdarî ame dîyene.

Keyeyê Onkolî û avûkatî bira nimite ra nêeşkayî xo biresnê dosya. Dima 2010 de keyeyî muracatê Mehkemeya Heqanê Merdiman a Ewropa (MHME) kerd. Keyeyî gulana 2012yî de reyna muracatê MHME kerd. MHME 2017 de bire daye ke dewa de 'binpaykerdişêk çin o.' Têkoşînê keyeyî ra dima Mehkemeya Îdarî 2021 de qssê 238 hezar lîra tazmînat da keyeyî. La kesêk zî nêame muhakemekerdene û cezakerdene. 

Dadîya Ceylane Onkol Salîha Onkol serrgêra qetilkerdişê cinîya xo de Ajansê Mezopotamya rê qisey kerd.

Dadîye Salîha pare kerd ke dejê kênaya ci tim zerrîya ci de ya û vat: ''A roje ez keye de bîya, vengêk ame. Cîrana mi venga mi da, vat ke çîyêk kewto mîyanê heywanan. Ez vazdaya. Ceylana mi lete lete bibî. Ez verar şîya parçeyanê ci. Bedenê ci 6 saetan uca de mend. 

Pêro dewijan Ceylane ra zaf hes kerdêne. A zaf jîhat bîye. Vengê aye qetî vîrê mi ra nêşino. Ez aye ra zaf hes kena. Ceylane tim hetê mi de ya, ez aye hîs kena. 14 serrî qedîyayê. Kamî kênaya mi kişta. Ma çîyêk nêzanenê.  Kamca de domanî bimirê seke Ceylana mi reyna kişîyena. Zerrîya mi bena parçe. Wa hînî şer biqedo. Şer de se bibo domanan rê beno.Hezar serrî zî şorê kênaya mi tim vîrê mi de biba.''