Qezayanê Farqîn, Peyas û Bismilî de vizêr DEM Partî seba dîyarkerdişê namzetanê xo yê şaredarîyan verweçînayîş kerdbî. Verweçînayîş turê diyînî rê mendî.

Farqîn de vernamzetî Kadrî Esen, Mehmet Kaydu, Naşîde Toprak û Sevîme Bîçîcî turê diyînî de do cabigêrê.

Bismi de Gulsume Ozturk, Mizgîne Eken, Guven Tanrikulu û Orhan Ayaz do turê diyînî de seba rayanê şaran bikewê verweçînayîşî.

Peyas de Bêrîvane Guşen Sîncar turê yewinî de ser kewte û bîye namzeta hemşaredara cinîye la seba vernamzetanê camêrdan turo diyîn do bêro kerdene. Turê diyînî de Muhammed Suleymanoglu û Cengîz Dundar do bikewê verweçînayîşî.

Vizêr qezaya Cizîre ya Şirnexî de zî verweçînayîş amebi kerdene. Cizîre de zî verweçînayîşî turê diyînî rê mendî. Turê diyînî de Gulere Tunç, Hêlîne Ergen û Abdurrahîm Durmuş û Mesut Nart do bikewê verweçînayîşî.