Fekê dadî Bedrîye Doku ra Gulîstane Doku

Wendekara Zanîngehê Munzurî Gulîstana Doku ra 150 rojan ra nata xeberêke nêna girewtene. Dadîye Bedrîye Doku pirdê Dînarî de ke Gulîstane tewr peyêne uca da dîyaye, hema zî pabeya kênaya xo ya.

Wendekara Zanîngehê Munzurî Gulîstana Doku ra 150 rojan ra nata xeberêke nêna girewtene. Keyeyê Gulîstane qezaya Erxanî ya Amedî ra ame û pirdê Dînarî de ke Gulîstane tewr peyêne uca da dîyaye, hema zî pabeyê kênaya xo yo.

Dadî Bedrîye Doku xebata cigêrayîşî de cayê ekîpan ra nêşina û seba ke kênaya ci bêra dîyene venga wijdanan dana. Dadî Bedrîye Doku pê lawikanê kurdkîyan bi hawayêkê nêçareyî kênaya xo pawena.

Dadî Bedrîye Doku wina qala kênaya xo kena: ''Gulîstane şîyêne dibistanêka ke ma ra qasê 10 kîlometreyan dûrî bîye. Serê sibayan ez qemîşê ci nêbîyêne ke hewna bikera. Wexto ke mamostatîye qezenç kerde zaf bîye şay. Vatêne 'Dayê ez do payan xo ser vindera, hetkarîya domanan ê xizanan bikera.' Eke rayîrî ra hewcedarî bidîyêne cade hetkarîya ci kerdêne. Homa zaneno mi senî a weye kerde. Ma çara zanayêne ke no yeno sereyê ma.

Ez kênaya xo wazena. Selahîyetdaran vat ke ê do kênaya mi bivînê. Ma perîşan bîyî. Wa vengê ma bieşnawê.''