Îşxalê dewleta tirke yê vera Heftanînî mengêke ra nata dewam keno. Gerîlayan vera îşxalî bi nameyê 'Cengê Heftanînî' hamleyêke dabî destpêkerdene. Fermandaranê na hamle Hejare Zozan û Raperîne Peyanus vanê ke gerîlayî heta peynîye do xo ver bidê û rayîr nêdê îşxalkera. Di fermandaran zî derheqê xoverdayîş, girîngîya waranê Xantûr û Qesrokî û safhaya şerî de qisey kerd.

Hejare Zozan: Seba ke Xantûr û Qesrok cayê stratejîkî yê dişmenî verê xo da ci. Armanco verêne îşxalê Başûrê Kurdîstanî yo. Wexto ke înan hêrişê Xantûrî kerd şarê Başûrî bi xurtî nêrazîbîyayîşê xo mojna. A roje hele menda ke şar vera leşkeranê tirkan şer bikero. Mengêka operasyonî qedîyey. Ma zî nê warî de yê. Hem vera Qesrokî hem zî vera Xantûrî hêrişê pîlî ameyî kerdene. Ma roja diyîne ya hêrişî de Qesrok de bîyî. Dişmenî roja verêne leşkerî nêardî war. Dima roja bîne fikirîya ke ma do pirodê înan û peyî ra ameyî heta serî. La embazanê ma da înan ro. Dişmenî xo tepîya ant. Roja verêne ê nêeşkîyayî Xantûr bigêrê. Amadekarîya ma estbî. Roja diyîne ê kewtî Xatûr. La hela verêne înan darbêka pîle werde. Mengêke ra nata ma tîya de yê, şer dewam keno. Dişmen pê teknîkê xo bawer o ma zî pê terzê gerîlayan bawer ê. Ma şinê serê dişmenî.

Raperîne Peyanus: Nê şêrî de tewirê pêro embazan destanvarî bi. B taybetî rixmê hende teknîkan zî embazê cinîyî şîyî serê dişmenî û înan dişmen tersna. Tewirê her embazê /a ma hêz dano ma. Ma pê ruhê fedayîyî xo ver danê. Ma do seba şehîdanê xo xo ver bidê. Gerîlayî rixmê hende teknîkî zî embazî û rayberîye ra hêz gênê. 

Hejare Zozan: Teknîkê dişmenî ame pûçkerdene. Dişmen pê teyarayanê keşfî bawer o, pê drone û teyarayan gêreno. Dewleta tirke hende giranîye nêdane leşkeranê xo. Leşkerê ci mirenî, a nêeşkena çîyêk bikera.

Raperîn Peyanus: Şehadetê embaz Rûstemî sey Bêrîtane bi, Zîlane bi. Embaz Goran zî wina embazêko bêhempa bi. Reyna Embaze Zeryane zî newe tewra ma bibî. Girêdayîya Rayberîye bîye. Ma zî do heta peynî xo ver bidê. Se beno wa bibo ma do teknîkê dişmenî pûç bikerê. Ma do qesasê embazanê xo bigêrê.

Hejare Zozan: Seke embaz Tolhildanî vat 'Tîya Heftanîn o.' Ma zî hema çi vanê. Ma do cewabê dişmenî bidê. Gerîlayî sey xeyalet ê, her ca ra eşkenê bivejîyê. Ma her ca de yê, la ma cayêk de nîyê. Ma pê nê terzî do dewam bikerê.