Rojnameger û nuştox Letîf Fatîh Feraco ke Başûrê Kurdîstanî ra yo, bale ante hêrişê îşxalî yê dewleta tirke ser û vat: Gerek şar nayî fehm bikero ke PKK temlîskarîya azadîye keno. Seba ke PKK temslîlkarîya şarê Kurdîstanî keno, Tirkîya hêrişê ci kena.
Rojnameger û nuştox Letîf Fatîh Feraco ke servîsê Sorankî yê ANFyî rê qisey kerd hêrişê dewleta tirke û nakokîya mabênê partîyanê sîyasîyan ê Başûrê Kurdîstanî ercnayî.
Feracî vat: ''Ewro Başûrê Kurdîstanî dewranê xo yê tewr xirabanî ra yewî de yo. Tîya yew problemê îdarenêkerdişî esto. Îdarekarî linganê xo ser nêşekenê vinderê û bi hêzê xo têbigêrê. Başûrê Kurdîstanî ke hetê ê bînan ra yeno îdarekerdene beşa muhîmî ya xoserîye vînî kerde. Hetê bînî ra mîyanî xo de pêsere nêkenê. No zî cesaret dano dişmenanê ma û giranîya kurdan şikneno.
Hêrişê dişmenîye vera Başûrî yenê kerdene ke bibo kole. Wazenê ke projeyê 29 serran birijnê. Tirkîya têmîyankewtişê sîyasî yê herême sey firsetî şuxulnena ke PDKyî biancê xeta AKPyî. Dewleta tirke Başûrê Kurdîstanî de bi desan baregehî înşa kerdî. Nika wazenê ke Silêmanî û germîyand e zî nînan înşa bikerê. No vera heme kurdan şer o. Dewleta tirke bi nameyê kultur û huner, bi rayîrê çapemenî û falîyetanê îstîxbaratî Başûrê Kurdîstanî de wazena heme çîyanê binameyê kurdîtîye çîn bikerê.
Vatişê dewleta tirke vera kurdan nê vera PKKyî şer kena xelet o. Tirkîya vera heme kurdan şer kena. Gerek şar nayî fehm bikero ke PKK temlîskarîya azadîye keno. Seba ke PKK temslîlkarîya şarê Kurdîstanî keno, Tirkîya hêrişê ci kena. PKK ewro merdimîye temsîl keno. Eke PKK vînî bikero dorê PDK û YNK û hêzanê hurdîyan yena. Ewro berpirsîyarîya PKD û YNKyî pîl a.Terso pîl ê Tirkîya oyo ke pêkerdişê 50 serran ê mabênê Tirkîya û PKDyî biqedîyo. No pêkerdiş kolekerdişê Başûrê Kurdîstanî yo. Çîyo muhîm oyo ke Mîsak-i Mîllî bêro rijnayene û pêkerdiş bêro qedînayene.''
