Wareyê Farqînî de dewî ameybî vengkerdene û dekewtiş û vejîyayîşê wareyî binê kontrolê leşkeran de yo. Werd û erzaqî zî pê zorî resenê herême.

Wareyê Feraşînî pabesteyê qezaya Elkê ya Şirnexî yo ke mabênê Wan û Colemêrgî de yo û berzîya ci 2 hezar û 625 metre ya. Ware pê xozaya xo dewlemend o û cayê hingdarîye û heywankarîye yo.

Serranê 1990an de dewijan dima ke dewî ameyî vengkerdene herême ra koç kerd. Ware binê ambargoyê AKP-MHPyî de yo. Merdimî kontrolê xurtî yê leşkeran ra dima eşkenê şorê ware. Tayînkerdişê qeyûmî ra dima zî rayîrê Wareyê Feraşînî nênê akerdene. Şarê herême pê rayîrê makîneyan xîret kenê ke rayîran akerê.

Meseleya tewr pîle ya wareyî zî ceyran o. Mudirîya Ceyranî ya Amedî ceyran nêdana bi seyan dew û keyeyan. Roniştoxê herême vanê: ''Dewanê Yeşîloz, Doganyol, Akarsu û Sutepe de ceyran çin o. Derheqê babete de ma waştişname da dezgehan. Keyeyê ma estê ka ceyran nêdîyeno ci. Wa ceyran bidê ma, fatura zî bibirnê. Nê dewrî de ma bêceyran mendî.''