Fermandaranê HPGyî ra Rizgar Êrsîyî xoverdayîşê Heftanînî yê vera artêşa tirke ya îşxalkere ANFyî rê ercna. 

Qiseykerdişê Êrsîyî ra beşêk wina yo:
''Artêşa îşxalkere şewa 16ê hezîrane de vera Heftanînî hêrişêko pîl da destpêkerdene. La hema zî ser nêkewta. Înan wina hesibna ke ê do ser bikewê û Başûr îşxal bikerê la gerîlayanê Kurdîstanî rayîr nêda îşxalkeran. Gerîlayî pê gan û ruhê xo xo ver danê. AKP-MHP pê rayîrê medya zûran keno, polîtîkaya şerê taybetî ano ca. 

Artêşa faşîste nê operasyonî de pêro teknîk îmkananê xo xebitnena. A wina fikirîyayêne ke ê do xeylêk gerîlayan bikişê û dima zî Başûr îşxal bikerê. La wina nêbi, planê înan ê seba îşxalî pûç bîyî. Gerîlayan dersêko pîl da îşxalkeran. Gerîlayan her ca de pê çalakîyan cewab da hêrişan. Sayê teknîkê neweyî yê gerîlayan de derbê pîlî ameyî dayene dişmenî ro. Gerîlayan Heftanîn de soz da kurdan ke bedelê ci se beno wa bibo wezîfeyê xo do bîyarê ca.

Erdogan wazeno komarêka faşîste awan bikerê. Coka beno hêrişê giranî bizêdîyê. Artêşa înan de cergî zî estê ke pê rayîrê înan gaman erzenê. Gerîlayî esasê felsefeya Rayber Apoyî de pê îradeyêkê pîlî xo feda kenê. Gerîlayî zanenê ke xo senî vera teknîkî bipawê.  Gerîlayîn resayî a aste ke eşkenê mîyanê dişmenî de xo ca bikerê. 

Eke artêşa îşxalkere Kurdîstan de bin bikewa Rojhelatê Mîyanênî de û dinya de cuyêka azade û dmeokrate do awan biba. O çax hesabê cidîyî do bêrê perskerdene û kurdî serê erdê xo de rehet do biciwîyê û zulmê Erdoganî ra bixelisê.

Seserra 21. de hînî gerîlayî sey verî nêzdîyê şerî nêbenê. Gerîlayê modernîteya demokratîke tim cayê xo vurnenê, têgêrenê. Gerîlayî hînî bîyî profesyonel. Gerîlayî verî ra zêdêr dîsîplîn û rêxistinkerde yê. Hêzê ma bi nê hawayî netîce bigêrê, îşxalkerî çin bikerê û welatêkê azadî awan bikerê.''