Fermandarîya Qerargehê Merkezê Pawitişê Şarî derheqê şehadetê fermandar Karker Tolhildanî eşkerayîye daye û vat: ''Hemrayê ma Karker Tolhildanî zerrîya heme şervanan û şarê Efrînî de cayê xo girewt.''
Fermandarîya Qerargehê Merkezê Pawitişê Şarî (MPŞ) vat, ''Hêzên Rizgariya Efrînê eşkera kerd ke fermandaranê ci yê ronayoxan ra Karker Tolhildan 10ê hezîrana 2023yî de şehîd bîyo. Ma sere de keyeyê erjîyayeyî yê hemerayê xo Karker Tolhildanî rê, Fermandarîya Hêzên Rizgariya Efrînê û şervananê ci yê qehremanan rê, şarê welatperwerî yê Efrînî û şarê Kurdîstanî rê serweşîye wazenê.''
Eşkerayîya Fermandarîya Qerargehê MPŞyî de nê ameyî vatene:
''Hemra Karkerî Efrîn de 10 serrî keda pîle daye. Verê ci zî sey gerîlayê azadîye yê fedayîyî û fermandarê Hêzanê Taybetan Têkoşînê Azadîye yê Kurdîstanî de keda ci ya pîle est a. Hemra Karker Tolhildan qehremanêko fedayî yê heme şarê kurdî têkoşînê demokratîkî û neteweyî yê Kurdîstanî yo. Hemrayê ma Karker Tolhildanî zerrîya heme şervanan û şarê Efrînî de cayê xo girewt. Vîrardişê ey do Efrînê azadî û Kurdîstanê azadî de tim bêro ciwîyayene.
Nasnameyê hemrayê ma Karker Tolhildanî wina yo:
|
|
Nameyê Qodî: Karker Tolhildan Name û Peyname: Ridvan Ulugana Cayê Bîyayîşî: Bedlîs Maye-Pî: Saide – Kıyasettin Tarîx û Cayê Şehadetî: 10ê Hezîran a 2023yî / Efrîn |
Hemrayê me Karker Bedlîs de keyeyêkê welatperî de yeno dinya û hema domanîya xo de vera neheqîye vejîyeno. Şehadetê şehîdan, hêrişê vera Rayberîye ey ser zaf tesîr kenê. Bado ke waya ci Aynure Ulugana zî tewrê refanê gerîlayan bena û hinî qerar geno ke têkoşînê xo xurtêr bikero. Gama ke Eskîşehîr de unîversîte weneno verê xo dano koyanê Kurdîstanî. Cadê badê waya xo Ronahî- Aynure Ulugana tewrê xebatanê Hêzanê Taybetan beno û çarçewaya nê xebatan de Qerargahê Hêzanê Taybetan de xebatanê muhîman û stratejîkan keno.
Tim wazeno şiro Vakur û qesas bîgîro. Çarçewaya Şerê Şarê Şorişgêrî de çalakîyanê bitesîran de berprisîyarî geno. Amanosan de xeylêk çalakîyanê serkewteyan rê serkêşîye keno. Bado ke dezayê ci Egîd-Vetat Ulugana 2016 de û waya ci Ronahî 2021 de Amed de şehîd benê o têkoşînê xo xurtêr keno.
Hemrayê ma Karker semedê pawitişê şarê xo 2013 de bi grûbêka embazanê xo verê xo dano Efrînî. Na yewîya vîjnayîye ya Amanosî ya ke tede Şiyar Malatya, Mazlûm Cîger, Dewran Faraşîn, Mervan Ûrfa, Xebat Wan, Piling Adiyaman, Ronî Rojhilat, Xabûr Dêrik û Karker Tohildan ca genê, vaz dana gazîya Efrînî. Hemrayê ma Karker herêma Qestel Cindo de fermandarîye keno ke dewlete tirke tîya derbê girdî werdî. Hemrayê ma Karkerî sey fermandaranê ronayoxan ê HRE (Hêzên Rizgariya Efrîn) beno mîmaranê têkoşînê Efrînî ra yew.''
