Fermandaranê HPGyî ra Dara Adarî derheqê tecrîdê vera Ocalanî û hêrişanê vera kurdan û Heftanînî de qisey kerd.

Qiseykerdişê Dara Adarî ra beşêk wina yo:

''Senî ke Rayberîya ma Îmrali de xoverdayîşêkê bêhempayî kena ma zî sey gerîlayanê Kurdîstanî xo ver danê. Gerîlayî vera qirkerdişan û planê çokkerdişî yê dewleta tirke cewabê xurtî danê. Xoverdayîşê Heftanînî mîsalê ney o.

Ma cuya bê Rayberîye qet qebul nêkenê. Dewleta tirke û hêzê kolonyalîstî se kenê wa bikerê ê do qet nêeşkê gerîlayan teslîm bigêrê. Bingeyê cuye û ê xoverdayîşî yê gerîlayan paradîgmaya Rayberî ya. Embazê ma paştê xo danê paradîgmaya Rayberîye. Sebebê xoverdayîşê Heftanînî tarûmarkerdişê artêşa tirke  û şiknayîşê tecrîdê Îmraliyî yê.

Artêşa tirke hêrişê Başûrê Kurdîstanî kena, planê îşxalî dayî xo verî. Gerîlayî zî pê çalakîyanê xo verê nînan gênê. Artêşa tirke wazena ke Heftanîn de polîtîkaya xo ya îşxalî meşrû bikera, wazena gerîlayan bêtesîr bikera.  Gerîlayî metod û taktîkanê xo kenê newe, taktîkanê şer û xoverdayîşî aver benê. Artêşa tirke Heftanîn de rixmê pêro hamleyanê xo zî aver nêşîye û derbê giranî werdî. A pê şerê psîkolojîkî û taybetî Başûrê Kurdîstanî rê gef wanena. Zanenê ke şarê ma gerîlayan ra senî hes keno. Artêşa tirke do nêeşka rêçê xoverdayîşî yê embazanê ma Heftanîn de asteng bikera.''