Merkezê Îrtîbatî  û Çapemenîye yê HPGyî eşkera kerd ke Fermandara Eyaletê Serhedî ya YJA Starî, Endama Konseya Fermandarîya HPG û YJA Starî Berware Dêrsim bi hewayêkê qehremankî şer kerd û şehîde bîye.

Eşkerayîye de nê ameyî vatene: ''Mabênê 7-10ê tebaxe de artêşa tirke ya îşxalkere warê Gilîdaxî yê Serhedî de operasyon hîra da destpêkerdene û dişmenî hêriş kerd. Vera nê hêrişan hêzanê ma bi çalakîyanê bitesîran cewab da û pêkewtişî qewimîyayî. Nê pêkewtişan de hêzanê ma bi taktîgê sabotajî derbeyê giranî dayî dişmenî ro. Goreyê zanayîşanê ke resayê ma xeylêk îşxalkerî ameyî kiştene. Bado ke detayê nê pêkewtişan zelal bîyî ma do şarê xo yê welatperwerî û  rayapêroyîye dir pare bikerê.

Pêkewtişanê giranan ê warê Gilîdaxî de 8ê tebaxa 2024 de hemraya ma Fermandara Eyaletê Serhedî ya YJA Starî, Endama Konseya Fermandarîya HPG û YJA Starî Berware Dêrsim bi hewayêkê qehremankî şer kerd û şehîde bîye.

Hemraya ma Berwara ke semedê dewaya estbîyayîş û azadîya şarê xo verê xo da koyanê Kurdîstanî bi îdeolojîya Apoyî xo newera afirna û tewrê Hêzanê Taybetan bîye, xo her hetî ra aver berd û bîye mîlîtanêka Apoyî fedayî û fermnadare. Rayraşîyayîşê xo yê şorişî sey govende tim bi coşî û keyfî rayra berd. Waranê tewr zehmetan ê Vakurê Kurdîstanî ra heta Herêmanê Pawitişî yê Medya her ca de têkoşîn kerd.  Tewr peynî de Eyaletê Serhedî de sey Ferndara Eyaletî ya YJA Starî ra wezîfe girewt xo ser. Koyanê Kurdîstanî de bi eşqê girdî semedê azadîya şarê û xo cinîyan têkoşîn kerd û berpirsîyarîya xo tarîxî arde ca.

Ma soz danê ke ma do hemraya xo Fermandare Berware çirey xo vîra mekerê, vengê aye yê xurtî û beyraqa ci koyanê Kurdîstanî de kêm mekerê. Na çarçewa de ma keyeyê ci yê welatperwerî û şarê Serhedî û heme şarê Kurdîstanî rê serweşîye wazenê.

Nasnameyê hemera ma Barwere wina yo:

Nameyê Qodî: Berware Dêrsim Name û Peyname: Seyrane Çomak Cayê Bîyayîşî: Wan Maye-Pî: Minaze - Sultan Tarîx û Cayê Şehadetî: 8ê Tebaxa 2024î / Serhed

Hemraya ma Berware Elbakê Wanî de keyeyê welatperwerî de yena dinya û hema qijtîya xo de têkoşînê azadîye nas kena. Hemraya ma Beware mekteb de dişmenîya dewleta tirke yê vera kurdan dahîna nêzdî ra nas kena û heskerdişê ci yê Rayber Apo û gerîlayan çend şi zêdîyeno. Bado ke mektebê tirkan de 5 serrî wenena keyeyê ci verê zextê dişmenî ra bar keno şino Rojhelatê Kurdîstanî. Mektebê Îranî de zî 3 serrî wenena û vînena ke her cayê Kurdîstanî de zext est o.

Hemraya ma Beware wextê komployê vera Rayberîya ma sey bi hezaran hemrayanê ma verê xo dana koyanê Kurdîstanî.  Wextêk Qendîl de pratîk rayra bena,  tîya her hetî ra tecrube kena peyser û tewrê Hêzanê Taybet bena. Hemraya ma Berware pîya bi Hemleya 1ê Hezîrane verê xo dana Vakurê Kurdîstanî ke tim wazena şiro. Dêrsim de heta 2013yî bêmabên têkoşîn kena û hedefanê xo ana ca. Dêrsim de pîya bi hemrayanê xo yê erjîyayeyan mewzîyan de şer kena û awa Munzurî wena. Manevîyatê tîyayî zerrîya xo ra hîs kena û seba ke qesasê heme qirkerdişan bîgêro têkoşîn kena.

Hemraya ma Berware bi vengdayîşê Rayberîye 2013yî de agêrana Vakurê Kurdîstanî. Akedemîya Leşkerî ya Mahsum Korkmaz û Akademîya Şehîde Zîlane (Zeynepe Kinaci) de perwerde vînena. Badê prosesê perwerdeyî binê serbanê Hêzanê Taybetan de xebatanê cîya cîyayan rayra bena la çimê ci tim Vakurê Kurdîstanî de yo. Bitaybetî badê qirkerdişanê ke dişmenî ke wextê Xoverdayîşê Xoîdarekerdişî de vera şarê Sûr, Cîzîr, Sîlopî, Nisêbîn, Şirnex, Kerboran û Geverî ameyî kerdene, dahîna zaf wazena şiro ûca têkoşîn bikero. Hemraya Berware reyna verê xo danê Vakurkê Kurdîstanî û şina herêma Serhedî.

Hemraya ma Beware Serhed de sey Fermandara Eyaletî ya YJA Starî wezîfe reyra bena û her merhaleya xeylêk çalakîyanê serkewteyan ê Serhedî  ca gena. Hemraya Berware seba ke fermandarîya cinîya azade vejo werte xebityena û keda pîle dana. Heta şehadetê xo semedê azadîya şarê xo çîyo ke destê ci ra yeno kena, zerrîya hemrayanê xo de ca gena û xo dima mîrasê têkoşînê destankî verdena.''