Fermandaranê HPGyî ra Mervan Ulaşî xoverdayîşê 14ê Temmuze ser o  Radyoya Dengê Welatî rê qisey kerd.

Qiseykerdişê Ulaşî ra beşêk wina yo:

''14ê Temmuze seba tarîxê têkoşînê ma girîng o. Pê çalakîya 14ê temmuze hêvîyêka pîle vejîyaye werte. Înan binê ê şert û mercan de teslîmîyet red kerd û pê xoverdayîşî mojna ke rayîrêko bîn esto. Ewro zî serê koyan, tunelanê şerî de, mîyanê tarîtîya zîndanan de ma esasê ruhê xoverdayîşî û serkewtişî ser o yê. Ruhê serkewtişî şexsê Xeyrî, Akîf û Alîyan de ma rê rayîrê serkewtişî akerd. 

Ewro rena ma ser o hêrişê giranî, hêrişê psîkolojîkî yenê kerdene. La merdim eşkeno dormeyê ma de ruhê 14ê Temmuze bivîno. Ewro zîndanan de xoverdayîş dewam keno. Ez bi na wesîle şehîdanê 14ê Temmuze bi rêzdarî yad kena. Dişmen bi her hawayî hêrişê ma keno coka ma rê ewro pêro çalakîyî girîng ê. Gama qije yan zî pîle qetî ferq nêkê. Hetê ma hetê serkewtişî yo.

Wa çew têna gerîlayan ra çîyêk mepawo. Destê kamî ra yeno kamca de bo wa kerrayêke bierzo, nêbo wa terefê xo eşkera bikero. Azadîya Serek Apoyî armancêko pîl o, fîraz o û manaya ci girîng a.

Embazê ma rixmê hende tedayan hê grevê vêşanîye de yê. Ê fedayîtîya Rayber Apoyî mojnenê. Vanê 'Eke Rayber Apo azad nêbo ez zî azad nêbena.' Na xeta Rayberîye ya. Dişmen wazeno embazanê tepişteyan xeta Rayber Apoyî ra dûrî bifîno. No xoverdayîşê embazan ma rê vano ke azadîya mezgî ya fîzîkî ra girîngêr a. Dewleta tirke bêexlaq a, tepişteyan rê zulm kena. Tewirê embaz Mehmet Emîn Ozkano ke rixmo ke nêeşkeno şoro muhtacê înan nêbeno tewirêko raştikên o. Ma embaz Mehmet selam kenê. Şarê kurdî awe û nanî ra zêdêr muhtacê azadîye yê. Şarê kurdî têna wazeno serekê ci azad bo.

Embazê ma yê zîndanan tim vîrê ma de yê. Ma rewşa embazanê xo teqîb kenê. Wexto ke metubê înan yenê ma pê kêfweş benê. Emser şer giran o zaf îmkanê ma nêbenê ke ma înan rê binusê. La çimê ma tim hê înan ser o yê. Ma înan pêroyînan selam kenê û verar şinê înan.''