Fermandarê Pêşmergeyan ê YNKyî Wahap Sertîpî ANFyî rê qisey kerd.

Sertîpî ard ziwan ke hêrişanê îşxalî û şerê zereyî kurdî vistî nê halî û vat: ''Baban, Erdelan, Botan, Behdînan û xeylêk cayî şerê zereyî de rijîyayî. 1960 de şerê zereyî yê Celalî-Melayî de n, seyan domanê kurdî şehîd bîyî. Coka kurdî qels bîyî. Ewro zî dişmenê kurdan bi taybetî dewleta tirke xîret kenê ke kurdan qels û parçe bikerê. PKK bahaneya dewleta tirke ya. Dewleta tirke wazena pêro destkewteyanê kurdan çin bikera.''

Sertîpî îfade kerd ke Erdogan zî sey Saddam kurdan înkar keno û vat: ''Erdogan û Bahçelî dişmenê kurdan ê. Bewnê Tirkîya de bi seyan sîyasetmedarî yê sey Selahattîn Demîrtaş zîndan de yê. Çimeyê na mesele Erdogan û Tirkîya yê PKK ney. PKK dişmenê PDKyî nîyo, dostê ci yo. PDKyî zî Tirkîya reyde îtîfaqêko xirab kerdo. No şer heram o û ma çin keno. Ganî ma verê şerê zereyî bixebitê.

Tayî vanê PKK Metîna de se keno. Ma zî şîyî Rojhelat û Vakurê Kurdîstanî. No erd erdê pêro kurdan o. PKK hêzêko şorişgêr o û vera dewleta tirke şer keno. Tirkîya pê pêro îmkananê xo hêrişê PKKyî keno. PKK do şêro kamca? Yew sebeb yan zî bahaneya şerê zereyî çim a û kam ke wazeno şerê zereyî vejo îxanet keno

Ez venga YNK, Goran, PDK û pêro partîyanê bînan dana ke wa verê şerê zereyî vinderê. Şar zî nê şerî qebul nêkeno. Ganî şerê zereyî yê kurdan bêro heramkerdene.''