Fermandarîya Qerargehê Merkezê Pawitişê Şarî (MPŞ) bi mesajêkî fermandar û gerîlayê Operasyonanê Şorişgêran fîraz kerdî. 

Mesaj wina yo:

''Pêro fermandar û şerwananê Operasyonanê Şorişgêran rê!

Embazê ercîyayeyî!

22 û 23yê kanûne de Xakurkê, Metîna, Zap û Herêma Şehîd Delîlî ya Rojawanê Zapî de mîyanê 24 saetan de çar cayanê cîyayan de Operasyonê Şorişgêrî û çalakîyê serkewteyî ameyî kerdene.

22yê kanûne de çarçewa Operasyonê Şorişgêrî yê Şehîd Ahmet Rûbarî yê Xakurkê de 27 îşxalkerî ameyî cezakerdene, embazê ma şîyî cenazaya 17 îşxalkeran ser, dest nîya xeylêk malzeme û çekan ser û ê bînî zî ameyî îmhakerdene.

22yê kanûne de Warê Xoverdayîşî yê Girê Ortê yê Metîna de 9 îşxalkerî ameyî cezakerdene. 

23yê kanûne de Herêma Şehîd Delîlî ya Rojawanê Zapî de Girê Amedîyê de embazanê ma 7 baskan ra da dişmenî ro, 34 îşxalkerî ceza kerdî, dest na xeylêk malzemeyanê îşxalkeran ser, 26 xeym û mewzîyê dişmenî îmha kerdî.

23yê kanûne de Warê Xoverdayîşî yê Kuro Jahroyî de Operasyonê Şorişgêrî yê Şehîde Melsa Mûş de 18 îşxalkerî ameyî cezakerdene, embazê ma şîyî cenazayanê 3 îşxalkeran ser, dest na çek û malzemeyanê înan ser. 

Ma sere de fermandaranê Eyaletanê Zap, Xakurkê, Herêma Şehîd Delîlî û Metîna pêro şerwan û fermandaranê nê Operasyonanê Şorişgêra fîraz kenê.

Dewleta tirke mehkuma binkewtişî ya

Gerîlayî her mewsim de, her şert de û her ca de bi ruhê fedayî yê Apogîrî wayîrê erkanê şorişgêran vejîyayî, bi îrade û qerardarîya Apogîrî înan nê erkî ardî ca û bi nê hawayî de performansê şerî yo girîng vet werte. Gerîlayan derbê giranî dayî artêşa tirke ya îşxalkere û rejîmê AKP-MHPyî yê faşîstî ro. Dewleta tirke reyna kişteyanê xo ra tayênî eşkera kerdî û kişteyê xo yê Operasyonê Şehîde Melsa Mûş bi temamî nimitî. Sey çalakîya Taburê Bêmergan a 1ê teşrîna verêne ya 2023yî Operasyonanê Şorişgêran zî zûrê rejîmê taybetî eşkera kerdî. Wa bizanîyo ke esasê stratejîya ma ya şorişgêre de dewleta tirke mehkuma binkewtişî ya.

Dewleta tirke ya ke gerîlayan ra pêser derbî werdê, zûre kerde ke hêzanê ma zaf şehîdî dayê û bi nê hawayî zî kerd ke şarî bixapîna û beşanê faşîzanan motîve bikera. La seke ma dabi zanayene nê operasyonan de embazanê ma Memyan, Helmet, Welat û Huseyînî ra ber şehîdê ma çin o. Ma nê çar embazanê xo bi rêzî û minetî yad kenê û soz danê ke armancanê înan bîyarê ca.

Rejîmê AKP-MHPyî yê faşîstî bi şoqê derbanê gerîlayan bi hawayêkê namerdî û tersnekî hêrişê waranê sivîlan ê Rojawanî kerd ke nê hêrişî rewşa înan a ruhî eşkera kenê. Artêşêka bihêz û rûmetêne ganî hêzê leşkerî yê vera ci şer bikera, hêrişê şarê sivîlî û bêpawitişî nêkera. Hêrişê winayênî ancax karê namerdan û dişmenê şaran ê. Rejîmê AKP-MHPyî yê faşîstî operasyonanê gerîlayan ra dima Vakurê Kurdîstanî de tepiştişê bêeleqeyî kerdî; Rojawan de nêweşxane, çapxane, kargeh, tesîsê ceyran û enerjî kerdî hedef û bi nê hawayî hem qanûnê mîyanneteweyî binpay kerdî hem zî vera şarê ma terorê dewlete yo xidar kerd. La şarê Kurdîstanî rixmê kerdişanê nê rejîmê faşîstî zî do dewaya azadîye ra fek vera nêdo. No mezgo kanwaz ney îradeyo şorişgêr do ser bikewo.

Ma ancî şerwan û fermandaranê ke morê xo dayo binê nê prosesî ro, fîraz kenê, ma zerrî ra bi hîsanê şorişgêran înan selam kenê, ma hêvî kenê ke nê şerwan û fermandaranê ma serkewtişanê pîlêran bivisnê destî. Ma pêro embazan rê serkewtiş wazenê.''