Bînşewe Fermandarîya Tugayê Bizirxî ya 20. ya ke merkezê şaristanê Riha de ya di teqayîşî ameyî meydan. Teqayîşî şaristanî de zî ameyî eşnawitene, sewqîyatêkê xeylêk ambulansan seba fermandarîye ame kerdene.

Rayîro ke şino fermandarîye bi temamî seba trafîkî ame girewtene. Nêame zanayene ke teqayîş senî ame meydan, yeno texmînkerdene ke depoyê cebilxaneyê fermandarîye teqîya. Dormeyê tugayî de polîsan tedbîrê asayîşî yê bihêzî girewtî, zaf ambulansî îtfaîyeyî sewqê tugayî bîy. Cayo ke teqayîş ame meydan de şewat vejîya, tugayî ra dû berz bi  ke dûrî ra zî yeno dîyene. Walîyê Riha Abdullah Erînî vat: "Cebilxane de teqayîş ame meydan. 5 wezîfedarê ke pawitişê cebilxaneyî kerdêne birîndar bîyî. Rewşa înan baş a û ameyî hişê xo ser."