Fermandarîya Warê Botanî ya HPGyî bi eşkerayîyêke bale ante serê kayanê leyminan ê dewleta tirke ser û vat  demo peyên de îşxalkerî qoricîye û kontrayîye zaf şuxulnenê ke tewr zaf dewa Osyanî de wazenê ke naye rayra berê.

Eşkerayîya Fermandarîya Warê Botanî ya HPGyî wina ya:

''Dewleta tikre ya îşxalkere bi metodanê  cîya cîyayan polîtîkaya qirkerdişî vera kurdan rayra bena. Hedef de têna şarê kurdî nê tarîx û xozaya kurdîstanî estê. Cayo tewr tarîxî û bimbarekan ra Botanî de stargehan û rayîranê xo virazenê. Nê xebatê çînkerdişê tarîxê herême yê. Tîya têna semedê kurdan nê semedê şaranê herême zî cayo ke muhîm o.

Hetê bînî ra dewleta tirke ya îşxalkere xozaya Kurdîstanî hedef gêna ke tim şewat vejêna, erazîyan vêşnena. Na dişmenîya înan a vera heme erjanê kurdan ramojenena.  Xeylêk cayan de bi zanayîş şewat vejênê û daran birnenê. Dewleta tirke wazena rindîya Botanî bikero sey tarîxê xo yê tarîye û berê na herre huşk bikero. Semedê nê karan herême de tay kesan şuxulnenê û bi destê înan xoza çîn kenê. Şarê ma gerek pê nê kayan mexapîyo û destûr medo ke bêro şuxulnayene. Gerek vera kesanê ke dişenî dir hemkarîye kenê tewirê şarê ma zelal bo.

Dewleta tirke demo peyên de qoricîye û kontrayîye zaf şuxulnena. Xora yeno zanayene ke dewleta tirke wazena ke kurdan biverdo pê û xeta xîyanetî vejo vernî. Yeno waştene nê polîtîkayê leymînî  tewr zaf dewa Osyanî de tay kesan serî ra bêrê  rayraberdene. Tayînanê ke xo roto, embazanê ma rê dame nanê ro, cayê gerîlayanê azadîye yê kurdîstanî tesbît kenê û xîret kenê ke derbe bidê piro. Şarê ma gerek vera nê kesanê ke pîya bi dişmenî têgêrenê hîşyar bo vera înan tewirê xo ramojno.

Seke yeno zanayene na dewe ra qehremanê sey Resul, Zinar û Bîrhatan vejîyayî  ke semedê pawitişê şarê kurdî û welatê xo her yewê înan Herekol, Cûdî  û Gabar de vera dewleta tirke bihawayêke qehremankî şer kerd û tewrê kerwanê şehîdan bîyî. Tewiro tewr raşt oyo ke dewijê Osayanî ke pê nê qehermanan sarê înan berzo, rêça înan de aver şirê. Nê embazî xora vera zextê dewlete, xîyanetî û hemkarîye verê xo da koyan azadan û bî wayîrê tewirêkê bianorî. Şarê dewa Osyanî ra waştişê ma oyo ke wa wayîrê ercanê xo yê bimbarekan bivejîyo û wa vera înanê ke dişmenî de reyde hemkarîye kenê tewirê xo ramojno.

Ma zaf hole zanê ke şarê Botanî şarêko xoverdayox o. Vera heme îşxalan û zextan tim û tim vera dişmenî tewirê xo yê bianor ramojnayo. Ma bawer kenê ke na rey zî vera kayanê dîmenî, şarê ma semedê bimbarekîye, xoza û heme erjanê xo tewirêkê bianorî ramojno. Ma sey gerîlayanê Botanî vanê ke bedelê ci çi beno wa bibo, ma do destûr medê dişmen waştişanê xo bîyaro ca. Senî ke heta ewro ma sozê xo yê ke dayê şehîdan û şarê xo, ardî ca, ma do ewro ra tepîya zî layiqê înan bê.''