Endamê Koordînasyonê Komalanê Ciwanan Andok Çekdarî derheqê Hemleya 15ê Tebaxe de ANFyî rê qisey kerd û bale ante erkanê ciwanan ser. Qiseykerdişê Çekdarî bi kilmî wina yo:

''Hemleya 15ê Tebaxe sey Guleyê Verênî zî pênase bena. No gule vera faşîzmî û koledarîye bi. Nê guleyî kurdî wela înan ra newe ra afernayî. Bêguman Hemleya Gerîlayan a Şorişgêre ya 15ê Tebaxe çimeyê xo nê zemînê tarîxî ra gêna.

Bira na hamele Newroza 1973î de hetê Rayberê Şarê Kurdî ra ameye girewtene û 15ê Tebaxa 1984î de hetê Mahsum Korkmazî de Dih û Şemzînan de dîyaye destpêkerdene. Na hemle vera şîye bîye pîl û qirkerdişê vera kurdan vindarna, çêrî daye şar û pê tewrbîyayîşê şarî gerîlayî hîna bihêzêr bîyî.

Serrgêra 38. ya Hemleya 15ê Tebaxe de ma qerardar ê ke derbe bidê dişmenî ro û dişmenî Kurdîstanî ra vejê. Pê nê armancî, îdîa û qerardarî ma do pê pêro hêzê xo seferber bibê, têkoşînî rê dewam bikerê. Faşîzm her cayê Kurdîstanî de seba kiştişê kurdan zend û bendî awan kerdî û dest pê hêrişêkê pîlî kerd. Nê prosesî de xopawitiş û xoverdayîşî ra ber rayîrêkê kurdan çin o.

Rejîmo qirker her roje hîna zêde har beno û hêrişê kurdan keno. Hînî wextê ci ameyo ke ciwanê Kurdîstanî vera nê kolonyalîst û faşîstan têbigêrê. Pê na bawerî û çêrî me venga ciwananê Kurdîstanî danê ke tewrê gerîlayan bibê û faşîzmî çin bikerê.''