Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîyêke daye û nê pare kerdî:

''Çarçeweya Hemleya Şorişgêre ya Şehîd Bagerî û Şehîde Ronya de hêzanê ma 2ê tebaxe de  da qezaya Şemzînanî ya Colemêrgî de da wesayîtêkê leşkerî ro. Wesayîto ke Qereqolê Bezelê ra ver bi dewa Bezeno şîyêne bitesîr ame pirodayene. Wesayît ame derbkerdene la derheqê merde û birîndaranê dişmenî de zanayîş nêame girewtene.

Eynî roje de artêşa tirke ya îşxalkere Geverê Colemêrgî de operasyonêko hîra da destpêkerdene. Operasyono ke hema warê Esendere de dewam keno derheqê ci de zanayîşê ke bêrê giretene do rayrapêroyî dir bêrê parekerdene.

3ê tebaxe de teyarayanê artêşa tirke ya îşxalkere Geliyê Basya, dewa Dîrê û Dola Hesenan yê Avaşînî bi obus û havanan bombarduman kerdî. Netîceya hêrişî de daristan de şewat vejîya û hema dewam keno.''