Merkezê Îrtîbatî û Çapemenîye yê HPGyî derheqê hêrişê vera Garê û çalakîyanê gerîlayan de zanayîş da.

Eşkerayîya HPGyî de ca dîya nînan:

''Derheqê operayono ke vera herêma Garê dîya destpêkerdene zanayîşê peyênî wina yê:

11ê sibate de hêzanê ma saetanê serê sibayî û nêmroje de vera leşkeranê tirkî yê îşxalkeran di çalakîyî kerdî. Detayê nê çalakîyan do peyra berê parekerdene.

12ê sibate de saetanê serê sibayî de îşxalkeran pê helîkopteran waşt ke bikewê warê Sîyanê. Nê helîkopterî hetê hêzanê ma ra mesafeyo nizdî ra hedef ameyî girewtene û ameyî derbkerdene. Nayî ser o helîkoperî warî ra kewtî dûrî.

Operasyonê vera warê Sîyanê yê herêma Garê roja  12ê sibate de ver bi Çêlka, Kanî Orhan û Dola Kafya de hîra bi.

Artêşa tirka ne hewa ra ne zî erdî eşkena aver şiro û eynî wextî de neêşkena leşkeranê xo bipawo herêma Garê bêmabên bombardoman kena. Na çarçewe de; 12 sibate saete 15: 45 de warê Sîyanê – Ergenê 3 rey, sirpilikê Koyê Garê 3 rey, Qilê Reşîtî 3 rey, saete 16:00 de Qilê Xerê 2 rey, saete 16:20 de dewa Yekmalê 3, saete 21:30 de warê Deşta Kayfa 3 rey ameyî bombardumankerdene. 13ê sibate de saete 10:00 de warê Derîyê Hirçê hetê teyarayanê şerî ra ame bombardumankerdene. Têna zereyê 24 saetan de herêma Garê hetê teyarayanê şerî ra tewt tay 18 rey ameye bombardumankerdene.

12ê sibate de saetanê şanî de îşxalkerê ke waşt ver bi  xeta Sîyanê-Çêlka aver şirê, hetê hêzanê ma ra gerîyayî binê kontrolî û ameyî pirodayene.Tîya îşxalkerêk ame cezakerdene, ê bînî remayî. Dima ra îşxakerê ke ameyî cezakerdene pê helîkopterî ameyî berdene.

12ê sibate de saete 22:20 de îşxalkeran pê helîkopteran waşt ke bikewê warê Sîyanê. Bado ke hêzanê ma mudaxale kerd helîkopterî mecbur mendî ke peyser agêrê.

Hêzê ma yê ke erdî ra darbanê pîlan danê îşxalkeran ro eynî wextî de serkêşîya Hêzanê ma yê Pawitişê Hewayî yê Şehîde Delale Amed de vera îşxalkeran ê ke Garê de yê çalakîyî kerdî. Hêzanê ma 12êsibate de saete 14:30 de îşxalkerê ke herêma Sîyanê de ameyî cakerdene bi wesayîtanê hewayî hedef girewtî. 13ê sibate de zî saete 09:45 de îşxalkerê herêma Sîyanê ameyî hedefgirewtene û bi hewayêkê serkewte ameyî pirodayene.  Netîceya nê wird çalakîyan zelal nêbîye la merde û birîndarî pê helîkopteran ameyî wedartitene.

Rixmê hêrişê hewayî yê dewleta tirke û heme îmkananê ci yê teknîkîyan Gerîlayê Azadîye yê Kurdîstanî Garê de pê îradeyê xurtî û qerardar şer keno. Gerîla pê kîn û hersê vera Komployê 15ê Sibate derbanê pîlan dano do îşxalkeran ro û do pirodayîşî rê dewam bikero.''