Gerîlayanê ke roja 15ê  Tebaxe de dewreyê xo yê perwerdeyî temam kerd, merasîmê mezûnîyetî organîze kerd û serrgêra Hemleya 15ê Tebaxe pîroz kerde.

Qiseykerdiş Roşanê Ganîbîyayîşî yê 15ê Tebaxe ame pîrozkerdene û wina ame vatene: ''Seke yeno zanayene ma wina rehet nêameyî nê rojan. Ma sey têgêrayîşî bedelê granî dayî. Bi na wesîle ma şexsê fermandarê xo yê girdî hermra Egîdî de fermandaranê dewrî Fazil Botan, Leyla Sorxwîn, Norşîne Efrîn û Deîlîl Zagrosan de heme şehîdanê xo ke bi gonîya xo têkoşînê azadîye awe da, bihurmet yad kenê û sozo ke ma dayo înan, ma newera newe kenê.

Dişmeno faşîst û îşxalker 8 mengî yo bi teknînê şerî yê NATOyî hêrişê waranê gerîlayan keno. Wazeno Botanî ra heta Serhedî, Xakurkê ra heta Zapî îşxal bikero, qirkerdişê vera kurdan o ke Lozan de dîya destpêkerdene, bikero temam. Vera nê heme hêrişan ma sey gerîlayanê profesyonelan ê Rayber Apoyî bi şerê  terz û taktîkî yê dewrî û şerê tunalen hemê hêrişê dişmenî betal kerdî. Tunelanê şerî  yê Şehîd Dogan û Şehîd Munzurî de raştîya têkoşînî fîman çiman ver. Reyna Girê Cûdîyî de her roje vera leşkeranê faşîstan çalakîyê bitesîrî yenê kerdene.No zî binkewtişê dişmenî mojneno.

 Rayber Apo rixmê tecrîd û heme zextan 25 serrî yo têkoşîno bêhempa rayra beno. No têkoşîn hêz dano gerîlayan. Çîyayê Bagokê zî şexsê Şehîd Zana û Şehîd Xebatî de dişmenî rê bi derd. Wa hukmato faşîst ê Erdogan û Bahçelîyî hole bizano; Ma sey gerîlayanê fedayîyan ê Rayber Apoyî bedelê ci çi beno wa bibo, ma do Rayber Apoyî biresnê azadîya ci ya fîzîkîye. Ma cuyeya ke Rayber Apo tede çîn o, xo rê heram hesibnenê. Ma do bi ruhê Şehîd Sara û Şehîd Rûkenî miheqeq ser bikewê. Bi na wesîle ma reyna vanê ke;; Bijî 15’ê Tebaxê, Bijî Bijî Rêber Apo!''

Gerîlayanê ke Roşanê Ganîbîyayîşî pîroz kerd, dima ra verê xo da waranê wezîfeyî.