Gerîlayê HPGyî Êriş Bahozî derheqê xoverdayîşê gerîlayan û hêrişanê dewleta tirke ya îşxalkere de ajansê ma rê qisey kerd.

Gerîla Êrîş Bahozî bale ante armancanê îşxalê vera Herêmanê Pawitişî yê Medya ser û vat: ''Dewleta tirke 2016 ra nata hêrişê Zap, Avaşîn û Metîna kena. Dewleta îşxalkere sibata 2021î de zî hêrişê Garê kerd la embazanê ma nê hêrişî şiknayî. Garê de xoverdayîş û metodê gerîlayan xo îsbat kerd. 2021 ra dima dewleta îşxalkere bi giranî hêrişê Avaşîn, Zap, Metîna kerd. Dewleta tirke nê hîrê serrî yo çekê kîmyewî û qedexeyî zî tede xeylêk teknîkî vera ma şuxilnayî. La dişmen nêeşka xoverdayîşê gerîlayan bişikno.

Metîna de PDK hemkarîya dewleta tirke keno û zerar dano yewîya kurdan. Nika Girê Çarçel û Amedîyê yê Metîna de dewleta tirke bi destekê PDKyî hêrişanê neweyan kena. La qetî ê nêeşkê ser bikewê. Dewleta tirke dewletêka winayêne nîya ke sing bi singî vera gerîlayan şer bikera. Dewleta tirke teyna pê teknîkî şer kena. Hînî şert û mercê zimistanî benê nêzdî ke teknîkê ci hende tesîr nêkero. Amadekarîyê ma temam ê. Ma do pêro hêrişanê dişmenî bişiknê.''