Gerîlayê HPGyî Şerker Demarî qala çalakîya Girê Piramîtî ya Avaşînî ya Herêmanê Pawitişî yê Medya kerde. 

Gerîla Şerker Demarî vat: ''Baskê hêrişî de mi reyde embazêko bîn estbi. Ma pê çeka sekbanî û çeka B7î tewrê çalakîye bîyî. Ma qasê 50 metreyan nêzdîyê çaperan bîyî. Dişmen pê dûrbînî pê hesîya ke ma nêzdîyê înan bîyî, ma zî droneyê înan ferq kerd. Ma bire daye ke embazê pawitişî wa bidê piro. Çalakîye wina dest pêkerde. Leşkero ke drone îdare kerdêne ame kiştene coka drone kewt war.

Leşkerî tersî ra kewtbîy. Çalakîye ra verî wextê keşfî de ma dî ke destê leşkerêkî de M-16 esto. Mi embazan rê vat ke ez do şora a çeke bigêra. Wexto ke ma şîyî çalakîye ez ver bi çeperî şîya. Embaz Pîrdoganî a hele pê B7î da çeperî ro. 

Koma pawitişî 50 metre nêzdîyê girî bi Embaz Çekdar zî sekbanî reyde bi, kewt gir, pê çeka qernasî da dişmenî ro. Leşkeran çekê xo verdayî û remayî. Çeperanê bînan de tewr tay 4 cenazayî estbîy. Xeylêk leşkerê birîndarî zî estbîy. Ma serê dişmenî ra çeka BKCyî zî xeylêk çekê bînî zî girewtî.''

Çalakîya Piramîdî de gerîlayan dest na çeka MPT-55, BKC, 1 bombaeştox, 2 dûrbîmî, yew hacetê bêtelî ser. Na çalakîye ra dima artêşa tirke warî ra xo apey ant. Na çalakîye çalakîyanê nimiteyan ê Hemleya Şorişgêre ya Bazanê Zagrosî ra yew bîye. Fermandarîya Qerargehê Merkezî yê Şarî (MPŞ) û xeylêk fermandaranê HPGyî na çalakîye fîraz kerdbî.