Gerîlayê HPGyî Kandîl Berwarîyî qala Cengê Heftanînî ANFyî rê kerde. 

Berwarîyî bale ante xoverdayîşê gerîlayan ê vera artêşa tirke ser û vat: ''Dewleta tirke armanc kena ke PKK qels bikera û Başûrê Kurdîstanî îşxal bikera dima zî uca de herêma tampone awan bikera. Eke dewleta tirke Heftanîn de ser bikewa herême de îşxalan vila kena. Ma embazê ma yê Cengê Heftanînî bi çalakîyan û xoverdayîşê xo destanan nusenê. Seba ke ma vera artêşa tirke vejîyê sebebê ma zaf ê. Artêşa tirke pêro îmkananê xo seferber kena la reyna zî nêeşkena vera ma ser bikewa. 

Embazê ma di serran ra nata bi metod û taktîkanê newîyan têgêrenê. Artêşa tirke Şeşdara, Girê Qesrokê de xo ca bikera zî reyna zî hedefê embazanê ma de ya. Leşkerê tirkî do nêeşkê koyanê Kurdîstanî de têbigêrê. Seba ke îşxalê înan aver nêşoro hêzê gerîlayan tim esto.

Artêşa tirke bi qoricî, ajan û leşkeran xîret kena ke herême de serdestîya xo hîra bikera. No operasyon raşta zî qirkerdişê kurdan o. Bi desan embazê ma planê dişmenî kenê pûç. Bi îradeyê xo, bi taktîkanê xo ma do xoverdayîşê vera îşxalê dewleta tirke geş bikerê. Gerîlayî do bi çalakîyanê xo herêma tamponî serûbin bikerê. Xoverdayîşê Heftanînî xoverdayîşêko bêsînor o.''