Gerîla Hewraz Hewraman Hemleya Şorişgêre ya Cengê Xabûrî de vera hêrişanê îşxalî yê dewleta tirke şer keno. 

Gerîla Hewrazî da zanayene ke dewleta tirke Metîna de hêrişanê giranan kena û vat: ''Coka ma verê xo da xoverdayîşî. Heta ke dewleta tirke nê erdî ser ra nêşora ma do têkoşînî rê dewam bikerê. Şarê ma zî ganî pê tewirêkê welatperwerî vera îşxalî wurzo payan ser. Ganî wayîrê xoverdayîşê domananê xo vejîyo. Ganî ma nêverdê ke dewleta tirke Başûrî îşxal bikera. Ganî ciwanê kurdî û gerîlayî mil bidê mil û wezîfeyê xo yê neteweyî bîyarê ca. Bi taybetî ez venga ciwananê Hewramanî dana ke wa bêrê tewrê xoverdayîşê gerîlayan bibê, vera îşxalî payan ser o vinderê.''