Gerîlayanê HPG û YJA-Starî vera hêrişanê dewleta tirke venga ciwanan da ke tewrê gerîlayan bibê û vat: ''Bêrê ma pîya alaya şorişî rakerê, pîya azad bibê.''

Gerîlayê HPGyî Bawer Botanî vat: ''Dewleta tirke wazena PKK werte ra wedara. Şarê ma PKKyî ra hes keno û hayîya ci pê raştîyanê dewlete esta. Ma fedayîyê Rayber Apoyî yê. Ganî ciwanî bzanê ke ma vera dişmenî qet sereyê xo do nêarê war. Ciwanê kurdî ganî vera dewleta tirke sere wedarê. Ma dî ciwananê Şeladizê senî cewab da dişmenan.  Ciwanê Başûrê Kurdîstanî ganî wurzê payan ser û hesab bipersê. Ma venga ciwananê Kurdîstanî danê ke bêrê tewrê gerîlayan bibê. Rayîrê PKKyî rayîrê azadî yo, rayîrê raştî yo. ''

Gerîla YJA-Starî Ozgure Denîz vat: ''Gerîlayî xoverdayîşê xo dewam kenê.Ganî ma vera dewleta tirke pîya têbigêrê. Serewedaritiş pê tewrbîyayîşê PKKyî beno. Seba ke cuya xo awan bikerê wa cinîyî tewrê PKK û PAJKî bibê.  Ma pîya alaya şorişî rakerê, berz bikerê. Bêrê ma pîya vera dşmenî şer bikerê. Rayîrê PKKyî raşt o.''

Gerîlayê HPGyî Şahan Demsalî vat: ''Ganî her ciwanê Kurdîstanî tewrê têkoşînê gerîlayan bibê. 21 serrî yo ke Rayber Apo binê tecrîdêkê giranî de yo. Vera şarê ma heta vera goristananê ma hêriş yeno kerdene. Têna rayîr esto, o zî xoverdayîş o. Ciwanê kurdî ganî çeke bigêrê xo destî û vera faşîzmê AKPyî şer bikerê, xoverdayîş geş bikerê. ''