Gerîla TVyî dîmenê çalakîyanê ke Hêzanê Pawitişê Hewayî yê Şehîde Delale Zap û Avaşîn de kerdî weşanayî.

Merkezê Îrtîbatî û Çapemenîye yê HPGyî derheqê çalakîyan de nê agahîyî pare kerdbi:

''Hêzanê ma yê Pawitişê Hewayî yê Şehîde Delale 13ê gulane de saete 13.00 de Girê Şehîd Serxwebûnî yê Zapî de û 27ê gulane de saete 19.30 de Girê Şehîd Serdarî yê Avaşînî de pê çalakîyan hewayî ra îşxalkerî dayî bombayan ver. Çalakîyan de hedefî bi hawayêkê serkewteyî ameyî pirodayene.''