Gerîlayê HPGyî Orhan Botanî qala gerîlayanê  HPGyî Welat Agirî û Şoreşger Şemse yê ke 30ê hezîrane de Cengê Heftanînî de şehîd bîyî kerdî.

Orhan Botanî vat: ''Mi gerîla Şoreşger Şemsî reyde Şingal de seba xelisîyayîşê komelê êzidîyan şer kerd û Şehîd Welat Agirî reyde Xoverdayîşê Xantûrî de ca girewt. Ma senî qala xoverdayîşê înan bikerê zî qîm nêkena. Sayê xoverdayîşê înan ra dişmen nêeşkîya leşkeran Xantûr de ca bikero.''

Botanî da zanayene ke gerîla Şoreşger Şemsî Şingal de xovedayîşêko tarîxî kerd û vat: '' Mi embaz Welat xoverdayîşê Xantûrî de şinasna. Xoverdayîşê înan tesîrê her kesî kerd. Dişmenî pê teknîkê xo hêriş kerdêne la xoverdayîş û ruhê embaz Şoreşger û Welatî estbî. Embaz Welat Adana de bîyo pîl. Wexto ke gerîlayî seba azadîya êzidîyan şîyî Şingal o zî tewrê gerîlayan bi. Mi uja de dî ke seke Welat bi serran o ke gerîla yo. Heta peynî ey xo ver da. Embaz Welatî çalakîyêke kerdbi û agêrayîş de şehîd bi. 

Welat Derîk zî mojna ke merdim pê teknîkî senî eşkeno. Embaz Welat fermandarêko bikelecan bi. Deyîrî vatêne, govend girewtêne. Tim gandar bi.  Rayberîya Xantûrî pîl bîye. No seba wird embazan zî derbasdar o. Heta ke ma qesasê înan bigêrê do şer bikerê. Ganî dişmen bizano ke gonîya înan erd de do nêmano.''