Gerîlaya YJA Starî  Medya Sonmez (Asmîne Cilo) ya ke 11ê tebaxe ya 2020î de Bedlîs de şehîd bîye, badê 6 mengan memleketê ci de  ameye definkerdene

Keyeyê Sonmeze 3 mengî verê cu Dezgehê Tibê Edlîyî yê Îstanbulî de seba DNA gonî dayebî. Bado ke test ame netîcekerdene keyeyê ci Wan de cenaza ya xo girewte. Cenazaya ke Goristanê Bêkesan ê Seyrantepe yê Tuşba ra ameye girewtene  bajarekê Rustem Gedîkî yê qezaya Kopî ya Mûşî de ameye definkerdene.

Seba tewrbîyayîşê merasîmê cenaza têna destûr dîya keyeyê ci.