Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîyêke daye û nê pare kerdî:

''Çarçeweya Hemleya Şorişgêre ya Şehîde Ronya û Şehîd Bagerî de hêzanê ma 30ê gulane de vera artêşa tirke çalakîyî viraştî. Qezaya Çelê ya Colemêrgî de artêşa tirke xeylêk wexto Qilê Hakanî de mewzîyan virazena. Hêzanê ma vera leşkaranê ke nê qile pawitêne çalakîyêke viraşte. Hêzê ma yê ke heta mîyanê dişmenî şîyî bitesîr da înan ro. Fermandarêkê grûbe zî tede 4 leşkerê tirkî ameyî kiştene û 1 zî birîndar bi. Hêzê ma yê ke şîyê meyîtanê leşkeran ser înan ser ra çeke zî wedart. Badê çalakîye herême de operasyon ame destpêkerdene. Eynî wextî de Qilê Koordîne de çalakîyêke ameye viraştene. Çalakîya ke dişmenî ser o adir ame varnayene de hûmara merde û birîndaranê dişmenî zelal nêbîye. Embzanê ma yê ke çalakîyî viraştî weş û war resayî cayê xo.

Artêşa işxalkere mabênê 13-18ê gulane de herêma Koyê Gabarî yê Şirnexî de operasyon da destpêkerdene.17ê gulane de herême ameye bombardûmankerdene. Nê hêrişî de embazêkê  ma şehîd kewt. Nasnameyê embazê ma do peyra bêro parekerdene.

Teyarayanê şerî yê dewleta tirke 30ê gulane de Tepê Sorî yê Avaşînî ke pabesteyê Herêmanê Pawitişî yê Medya yo ser o bombayî varnayî. Nê hêrişî de vînîbîyayeyê ma çîn ê.''