Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîyêke daye û nê pare kerdî:

''Artêşa tirke ya îşxalkere aşmanê wisarî ra nata Qilê Çelê Buka yê warê Kato Xelîla yê qezaya Şaxî ya Wanî de qereqol virazena. Îşxalkeran pîya bi kontra û leşkeran  rayîrê qereqolî pawitêne. Hêzanê ma demêko derg nê yewîyê dişmenî girewtî binê kontrolî û dima ra 8ê hezîrane de çarçeweya Hemleya Qesasî ya Şehîde Medya Mawa û Şehîd Rizgar Geverî de vera înan çalakîya sabotajî kerde. Wesayîtê tîpê transîtî ke hêzo newe kiriştêne herême  ame hedeftirewtene. Çalakîye de wesayît bi temamî ame îmhakerdene, 13 leşker û kontrayî ameyî kiştene û 2 leşkerî zî birîndar bîyî.

Artêşa tirke leşker û kotnrayî ke ameyî kiştene bi destê medyaya xo sey sivîlan ramojnayî û xeberê zûrî serwîs kerdî. Nê kesê ke ameyî kiştene leşker û kotnrayê yewîyanê dişmen ê.

4ê hezîrane de teyarayanê şerî yê dewleta tirke qezaya Mehsertê ya Mêrdînî dest pê operasyonêk kerd. Îşxalkeran saetanê şewe de herême ser o bombayî varnayî. Operasyon de di embazê şehîd bîyî. Embazê ma yê ke şehîd bîyî nasnameyê înan do peyra bêrê eşkerakerdene.''