Gerîlayanê HPG û YJA Starî Gever de vera artêşa tirke çalakîye viraşte. Çalakîya ke mewzîyê dişmenî di peran ra ameyî pirodayene de 3 leşkerê tirkî ameyî kiştene û 3 çeke înan ameyî destfînayene.
Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîyêke daye û nê pare kerdî:
''Çarçeweya Hemleya Qesasî ya Şehîde Medya Mawa û Şehîd Rizgar Geverî de hêzanê ma 22ê nîsane de herêma Cûdîyî ya Şirnexî de vera artêşa tirke çalakîyek viraşte. Çalakîya ke mabênê dewa Gabarî û Herêmanê Pawitişî yê Medya de ameye viraştene mezîyê dişmenî bitesîr ameyî pirodayene, leşkerêk ame kiştene.
Çarçeweya Hemleya Şorişgêre ya Şehîd Bager û Şehîde Ronya de hêzanê ma 23ê nîsanede Geverê Colemêrgî de da îşxalkeran ro. Çalakîya ke vera leşkeranê ke qilê Şehîd Dermanî de ameybî cakerdene ameye viraştene de mezîyê dişmenî di peran ra ameyî hedef girewtene û hêzê ma kewtî mewzîyanê dişmenî. Çalakîye de hîrê leşkerê tirkî ameyî kiştene û hîrê çeke dişmenî ameyî destfînayene.
Yewîyanê ma yê ke nê her di çalakîyî viraştî weş û war resayê cayanê xo.
23ê nîsane de teyarayanê şerî yê artêşa tirkî warê Werxelê yê Avaşînî, warê Çemço yê Zapî û herêma Şehîdgehî yê Metîna yê ke babesteyê Heramanê Pawitişî yê Medya yê bombadûman kerdî.''
